Biratiya Mar û Rovî - Helbest

Pêt û agirek girtî, dilê min kir mîrat e

Zilma ku li me barî, wek rêwî ya Sîrat e

Roj li me kirin tarî, agir berdan xelat e

Tarî ya ez dibêjim, agir li me dibare

Welatê xwe azad kin, ji bin zilma celat e

Fîxan û zarînek tê, ji bin xaka welat e

Fîxana Gel’yê Zîlan çû heta Rojhelat e

Rabin birano rabin, welatê me mîrat e

Nalîna Helepçe yê, tê heta Araratê

Zarîna Mehabatê çû Sîpanê Xelatê

Ew nalîna Dêrsimê, zeft kirî Semawat ê

Dema Seîd birin dar, mala me çû mîratê

Şêx Seîd ji bîr nekin! Kurdewarê Xelatê

Tirba Şehîd li ku ye! Bipirsin ji Feratê?

Pirsa Seîdê Kurdî? Tev bikin ji zilmatê!

Gora Seyîd li kuye! Pirs bikin j’Araratê?

Dest bidin destê hevdu, bikin kar û xebatê

Rabin birano rabin, welat hê ne felat e

Rabin birano rabin, welatê me mîrat e

Di bin zilma zalim de, welat hê ne felat e

Ji me distînin bêşê, xwarin hemû zikatê

Xapandin şêx û mela, li ser navê rikatê

Kirin xewa xefletê, ji me’r nehîşt heyatê

Xwarin mal û milkê me, ji me’r nehîştin katê

Bi zilm û pest û sîtem, wan me kirin sikratê

Hindik ma em bimeşin li ser pira Sîratê

Di bin zilma zalim de, welat hê ne azad e

Rabin birano rabin, mala me çû mîratê

Gelê kurd maye sêwî, bê ziman û welat e

Rabin em xîret bikin, bigên maf û heyatê

Tev bihevra bibên bes: Dêrsim û Mehabatê

Pişt bidin pişta hevdu, başûr û rojhelatê

Mînanî kulmek yek bin: Hemû Reîsên Welat!

Destanek binivêsin: Li ser xaka Feratê

Di sed û bîst û yekê de hemû berbesta rakin

Ala kesk û sor û zer, li asîman li bakin

Rabin birano rabin, welatê me mîrat e

Rabin camêrno rabin Newroz e xweş heyat e

Kengê Newroza me bê, digrin govend û dîlan

Wexta bihara me bê, dertên  Geliyê  Zîlan

Da ku em azad nebin, felat nabin ji zilmê

Kengê em rizgar bibin, azad dibin ji kulmê

Divê em tev bibin yek, nekin em xeyb û kînê!

Kîn nahêle bibin yek, nakewîne birînê!

Zilma zalim dibare, li cîhan û gerdûnê

Bi ser me da tê xwarê, wekî gul û beybûnê

Xwarin ga û gamêşa, avêtin ber me hestî

Ew dewlemed, qiral in, danin me bêr û destî

Ji xwe‘r kirin pistîvan, dil û cîgeran best î

Gem kirin ziman û dev, ax vî derdê bindestî

Ew pispor û zananin, em xizan û nexwendî

Ew çûn dîharê hîvê, em jî şivan û gundî

Naxwazim ez naxwazim, biratî ya b’derewa

Ji ber zalim pişt hûr kir, me kir mîna cedew a

*****

Hinekî şêx û mela, xwe danin alyê zilmê!

Bûn piÅŸtîvanê zalim, rezîl bûne l’gerdûnê!

Ji bo zikê wek çewal, bûnin mîna meymûnê

Dan in pey sifra tecal, ket in kêf û hebûnê

Dibên bila zik têrbe, navê me ê meymûnê!

Divê xwe nexapînin!  Hûn bi polê gerdûnê!

Mal qirêja desta ye, wekî kefa sabûnê

Nebên bila zik têr be, navê me ê meymûnê!

Rojekî derbasnabe li welatê me bêxwîn

Xaka welat sor kirin, wek çîçeka ji xûnê

Rabin ey şêx û mela, tevê gundî û axa

Azad bikin em welat, gul û sosin û baxa

Vegerin ser riya rast, bibînin heqîqetê

Divê dereng nemînin, hûn werin mehrîfetê

Êdî xwe nexapînin, bi pol û malê dinê

Wegerin ser riya rast, rezîl nebin l’gerdûnê

Naxwazim ez naxwazim, biratiya vî rengî

Naxwazim ez naxwazim biratiya derengî

* * * * *

Bes e! Vexwin şijû yê, em jî bixwin goşt û mast

Demek zûtir vegerin, werin tev ser riya rast

Tawîz nedin j’rûmetê, bikin êdî xîretê

Bînin êdî em dadê, rakin zilm û zîletê

Nebe hevkarê zalim, eva zilmek mezin e

Jê dikin ew serî ya, mîna serê bizinê

Alîkarî ya zalim, te dibe delaletê

Ewqas bêwijdan nebe, êdî wer merhametê

Zilm te dibe dojehê, dihêre mînanî aş

Dad jî dibe bihuştê, neke tu emelê şaş

Cî bigre’l hinda mezlûm, rabe li dijî zilmê

Hazar salin dikujin, nahêl kurd bigrin hilmê

Naxwazim ez naxwazim, ji zalim re biratî

Naxwazim ez naxwazim, heta hebe hovîtî

* * * * *

Gelo guhdêrin li min! Şêx û melê nehişyar

Gelo kengê dibînin!  Ev zilm û zor û fiÅŸar

Ji mele yek azanek, ji min jî yek gotinek

Gelo tu kengê terkî, zilma roviyê fenek

Rabin bo malê dinê, nebin kole hûn êdî

Ecêb û gosirmetê, me pir bi çavê xwe dî

Naxwazim ez naxwazim, ji zalim re biratî

Naxwazim ez naxwazim, heta hebe koletî

* * * * *

Hemû zalim bûnin yek, girê danin rext û çek

Rabin cotkar û gundî, me dikujin yek bi yek

Dibên em tev biranin, ew bi vir û derewa

Wekî goşt û neynûkin, bi hîleyên wek hewa!

Heta îro xapandin, bi derewên sed sala

Zilm û zor li me kirin, agir berdan in mala

Bi hezaran kurd kuştin, avêtin bîr û çala

Xwîna kurda sor dike, mînanî gul û lala

Ma we çi zû ji bîr kir? Komkujiya sed sala!

Nîjadkujî ya Dêrsim û ya Geliyê Zîla

Ya Amed û Mehabet, heta Sîpanê Xelat

Bi mîlyona koçber kir, ji ser wê xaka welat

Divê ji bîra nekin qet Enfal û Helepçe

Li dest û zenda xist in bi mîlyona kelepçe

Naxwazim ez naxwazim, ji zalim re biratî

Naxwazim ez naxwazim, heta hebe hovîtî

Bi xwîna me dimijin, ewan hovên bêfedî

Rabin birano rabin, ji me ra şerm û fedî

Dixwazin hê bixapîn, bi gotina biratî!

Gelo! Tê pejirand in, bi vî rengî biratî?

Almanya, 23.09.2010

Ebdurehîmê Mûşî

dengbej@hotmail.de

Ev Helbest di Malpera: www.serhed.org de hatiye weÅŸandin.

ŞÎROVEYÊN HATÎ KIRIN