Daxwiyaniya Hunermendê Kurd Şivan Perwer li himber kampanyaya qirêjkirinê ya dijî wî

ticle") RS.Close Set RS=nothing end if RSb.Close Set RSb=nothing end if%> end if RSb.Close Set RSb=nothing end if%> S = Server.CreateObject("Adodb.Recordset") RS.Open sql, conn, 1, 3 if not RS.eof then Response.write RS("article") RS.Close Set RS=nothing end if RSb.Close Set RSb=nothing end if%>

Daxwiyaniya Hunermendê Kurd Şivan Perwer li himber kampanyaya qirêjkirinê ya dijî wî

Ev demeke bi taybet piştî hevpeyvîna TRT-6 ê bi Hunermendê Kurd yê navdar Şivan Perwer re kirî li dijî Şivan Perwer xebat û karên reşkirinê dest pê kirin.

Hunermendê Kurd eve demeke dirêje li himber vexwendin û daxwaziyên rayedarên çandî yên hikumeta Tirkiyê ji bo hatina wî ya Tirkiyê, hewil dide ku rewşekî guncaw amade bike da ku li gorî kar û barê xwe yê Kurdewarî pêngavên giring bavêje. Lê bi hevpeyvîna wî ya dawiyê ku bi TRT-6 ê re kirî bû sedem ku hunermendê Kurd di nava raya giştî ya Kurdî de bête reşkirin. Şivan Perwer di nava van 40 salên dawî de bi xebat û karên xwe yên hunerî û Kurdewarî ve ji bo xebat, kar, tekoşîn û civaka Kurdî navekî gelekî giringe û xwedî kedekî bê hempaye. Li himber van reşkirin û kampanyaya bêtesîrkirinê Mamoste û Hunermendê Kurd Şivan Perwer daxuyaniyek da çapemeniyê û ragihandinê . Li gorî daxuyaniya ku ji Vakifa Şivan Perwer geheştî destê me eve ye.

Ji raya giştî re

Ji kî û ji kuderê tê bila bê, ji zîhnîyeta bandorvan, hov û çavsor re tu car min serê xwe xwar nekiriye û nakim. Ez duh çava bûm, îro û sibê jî her weke xwe me. Yanî bilindkirina ruhê Kurdistanî, hevîdariya daxwaziya hunerî dijîm, Hunerê azad û serbixwe hergav nîşana xebat û xizmeta min e.

Sebra min geleke, behna min firehe. Hêviya min bilinde, baveriya min xurte, armanca min rojên şad û peşerojek ronake. Lê gelo evên ku dest bi vê kampanyayê kirine kî ne û vana ji min çi divên? Çi dixwazin? Dost ya dijminê gelê me ne? Ji ber ku tiştên di vê kampanyayê de hatine gotin û iddia kirin, hemû derewin. Hemû hevdîtin û têkiliyên min eşkerene û li pişt diwar û perdan veşartî nemaye.

Me dît ku vana li hemberê hêz û şexsiyetên welatperwer çıqas suç kirin jî rojekê lebihurtin ne xwestin. Ji ber ku çendî me behnfirehî kir û me nexwest dijmin bi me bikene jî, lê dîsa jî guhertinek di wan de çê nebû. Ji sebra me cesaret girtin û roj bi roj ji ber bêdengiya me hêz girtin û erîşê xwe berfireh kirin. Yanî dixwazin li welatê me yek kesê me mejû azad nemîne.

Ez ji kesên dilrehm, dilovan û bi wîcdan dipirsim: Ma gelo kesên hindik hestên welatperwerî û mirovatî pêre hebe, wisa dike? Di jîyana 36 salên derbederya min de, ya rast, dijmin jî ev tişt bi me nekiriye.

Ji xwe qasî hatiye têgihiştin, zîhniyet û mentalîta wan eve: Li ser bandorê deyne, çavsoriyê bike, bitirsîne, bêbextiyê lê bike, îrade û heş teslim bigire, bike kole û bi kar bîne

Min ji rastiya xwe tu car dev bernedaye. Min rastiya xwe herdem di stranên xwe de aniye ziman. Haji xwe bû me, hezkirin û evîna gel û welatê min di xwîna min de cîh girtîye. Lê li gor uslûba tevger, têkilî û rewşa mirovatiyê mirov silava xwedê digre û dide. Merheba dibêjê û rêzdar dibe. Mêvandarî kevneşopîya resena me Kurda ye. Em jî li gor xwe dibînin ku çi raste çi xirabe. Heke mirov bi xwe û armanca xwe baver be, carna pêwist be dikare li gel dijminê xwe jî danişe, behsa rastiya xwe û gelê xwe bike û biparêze.

Ma xelk nizane ku Şivan Perwer li hemberê zilm û zordarî tu car stoyê xwe xwar nekiriye. Ma hûn jî nizanin ku ti kes nikare bayê hunera azadiyê ji ser welatê min rawestîne û lorîkê min ji dil û mejîyê gelê min derîne? Ma hûn nizanin ku rejîmên faşist û koledar ji ber rastiya hunerê min çikas Kurd girtin, işkence kirin, kuştin, yan bi dar xistin? Lê dîsa jî nikaribûn bayê hunerê min rawestînin.

Banga we dikim: Baş bizanibin ku ez Şivan Perwerim. Yanî hevalê bargiranim, ruhê Kurdistan, bê rawestan kurê gelê xwe me û wêrek û bi bawerî me. Kesên paqiş û bi bawer ji qirêjiya bêbexta natirse.

Ez we dispêrim ûcdan, rehm, dilovanî û raya giştî ya gelê Kurd û Kurdistan. Dîsa baş bizanibin ku gelê me û dîrok dê çi car bi vî awayî li wan nebihure.

Slav û Rêz

Şivan Perwer

13.02.2010

Dîroka girtina ser: 15.02.2011 18:52:11