Kobane_ City- Rojava-Rewanbej
Çaya tehl û zimanê Kurdî | Heysem Muslim

Cîh : Gundekî Kobanê

Demsal : Seqema zivistanê

Ez mêvandarî li gel hevalekî xwe bûm, tevî ku 15 salan ji min mezinire ,lê

gelek tiştên hevbeş di navbera min û wî de hene, yek jê em herdu jî çayê giran vedixwin.

Di qobeke biçûk de sobeyeke tepikan danî bû , me herduyan ji gurriyên agirê sobê destê xwe dida ber rûyê xwe, di wê kêlêyê de niqaşeke siyasî derket holê.

Weke dibêjin, du Kurd bigehin hevdu qala Kurdistanê dikin,

Me jî behsa wê kir!

Nêrîna min ev bû ku alek , dewletek , hikûmateke…hwd me hebe.

Hevalê min jî nêrîna xwe bi hestiyarî wiha bi min re parvekir: ’’al malan nizanim û min nexwandî ye ez dewletan jî nizanim, lê ez tenê bi tiştekî dizanim, ku edaletek hebe û zarokên min bi kurdî bixwînin û ji van xurtên gund re ku bi deran ketine karek ji wan re li gund peyda bibe û ya herî girîng ku ez azad bibim ne dewleta min…

Qurtek li çayê da û got: ’’pirsgirêkên min ji xeynî vê tinene’’.

Ez siba diçim cem hevalê xwe….

Nûkirina Dawî : 20 Oct 2015 0:59

Xwendin: 191


Derbarê nivîskarde

Di sala 1985’ê de li Rojavayê Kurdistanê jidayik bûye. Dibistana seretayî li gund û a navîn û amedeyî li bajarê Kobanê xwendiye. Li Zanîngeha Helebê Peymangeha Çandinê qedandiye û piştre li Zanîngeha Hoqoqê a Helebe xwendina xwe berdewam kir. Di zanîngeha Helebê de li dijî rejîma Beis’ê gelek çalakî lidarxistine û çend caran hatiye girtin. Bi êrişa çeteyên DAIŞ’ê bo ser bajarê Kobanê, di şert û mercên zor û zehmet de Heysem ji bo ku dengê Kobanê û berxwedana gel û şervanên Kurd ji cihanê re rabigehîne biryara mayînê da. Raporteke wî ya bi navê ’’Kobanê, bajarê dorpêçkirî’’ di sê beşan de di rojnameya ’’The New York Times’’ ê de hate weşandin. Navbirî heya niha jî li Kobanê dijî û karê ragehandinê dike.

Leave a Reply