• Têketin
  • Bibe Nivîskar
  • Ziman
’’Tarîxa Edebiyata Kurdî’’ ya Qanatê Kurdo bi farsî çap bû

’’Tarîxa Edebiyata Kurdî’’ ya Qanatê Kurdo bi farsî çap bû


barkirin: Êlûn 23, 2015, 12:32
xwendin: 193


Weşanxaneya Emû Elewî di nûtirîn xebata xwe de pirtûka ’’Tarîxa Edebiyata Kurdî’’ ya Prof.Dr. Qanatê Kurdo bi zimanê farsî weşand.

Pirtûka Tarîxa Edebiyata kurdî ji şeş beşên:

1. Dîroka lêgerîna edebiyata kurdî di nava Kurdan û li Soviyetê.

2. Rolê kovar û rojname û belavokên Kurdî di dîroka edebiyata Kurdî de.

3. Zanyariyên Şerefxanê Bedlîsî û Evliya Çelebî derbarê helbestkar û zanyarên Kurdan.

4. Lêgerîna dîroka edebiyata Kurdî li Îraqê.

5. Helbestkarên Kurmanc.

6. Helbestkarên Soran. Pêk tê.

Qanatê Kurdo di pirtûka xwe de gulbijêrek ji gulistana edeba Kurdî ji sedsala dehem wate ji Elî Herîrî heya sedsala bîstem a zayînî, berhemên heftê û heft helbestvanên kurmanc û soran daye nasandin û şêwe û bijareyek ji helbesta wan pêşkşî xwendevanan kiriye.

Ji bilî van, danasîna stêrknas, mamoste, dîrokzan, wergêr û nivîskar û şarezayê dîroka Kurdan di berhemê de cîh digre. Herwiha helbestên soranî bo zaraveya kurmancî hatine wergerandin da kurmancîaxiv jî, şêwaz û hestiyariya hevzimanên xwe bizanin.

Pirtûk ji aliyê Ebas Ferhadî Topkanlû ve bo ser zimanê farsî hatiye wergerandin û ji aliyê Weşanxana Emû Elewî ve hatiye çap kirin û weşandin.

Weşanxaneya Emû Elewî ku taybet bi çap û weşandina pirtûkên zarok û nûciwanan û zimannasiyê ye, herî dawî pirtûkên ”Şivanê Kurd- Erebê şemo”, ”Reş û Spî – Îbrahîm Seydo Aydogan” û ”Masiyê Tî – Helîm Yûsif” bi zimanê farsî weşandibûn.

Pêveker:

’’tarîxa edebiyata kurdî’’ ya qanatê kurdo bi farsî çap